Blood · 1960 · 90 citations · 12 references
MedicineHematologyPathologyHematopathologyHemostasisTransfusion MedicineCoagulation DisordersHemostatic DisordersPlatelet DisordersPlatelet PhysiologyThrombosisThrombotic DisordersThrombocyte DisordersThrombopoiesis ToxicityThrombopoietin Receptor Agonists
S ummario in I nterlingua Esseva examinate in rattos normal Ie alterationes occurrente in le plachettas circulante e in le megacaryocytos medullar post depletion acute del plachettas. Un reduction del numeration plachetta in le circulation usque a un nivello amontante a 10 pro cento del valores normal esseva effectuate per transfusion de excambio. Le depletion del plachettas in le circulation occurreva in proportion directe con le quantitate de displachettate sanguine usate in le transfusion de excambio, e nulle indicio pro le presentia de reservas de plachettas esseva observate. Immediatemente post le induction de thrombocytopenia, marcate alterationes deveniva manifeste in le morphologia del megacaryocytos medullar. Iste alterationes consisteva de un reduction del massa cytoplasmic e del perdita del membranas de demarcation in le cytoplasma. Esseva notate un periodo latente de duo dies ante que le apparition de plachettas in le sanguine del circulation ganiava in intensitāte. Post un transiente thrombocytosis, nivellos normal esseva establite pro le plachettas Ie septime die post le transfusion de excambio. Le nove plachettas esseva plus grande que plachettas normal. Le numeration del megacaryocytos medullar se augmentava levemente al tempore del augmentate thrombopoiese, sed non in proportion al augmento de intensitate in le production de plachettas. In studios de thrombocytosis inducite per splenectomia, le numeration del megacaryocytos medullar esseva levemente augmentate. Quando spleno-megalia esseva inducite per methylcellulosa, le numero del megacaryocytos esseva levemente reducite. Iste observationes, insimul con mesurationes del superviventia plachettal in similemente preparate animales (que esseva reportate alterubi), indica que le splen exerce su effecto super le nivello del plachettas in le circulation per alterar le intensitate del thrombopoiese. In omne le animales il pareva que le responsa a thrombocytopenia acute consisteva predominantemente de un alteration del production cytoplasmic plus tosto que de un augmento del numero de megacaryocytos.
12
A STUDY OF FIXATION FOR ELECTRON MICROSCOPY
George E. Palade · The Journal of Experimental Medicine · 1952 · 3.2K citations · Full text
Medicine, Cell Biology, Biomaterials +12
Survival of Blood Platelets Labeled with Chromium5112
Frank H. Gardner · Journal of Clinical Investigation · 1958 · 227 citations · Full text
Medicine, Hematology, Pathology +12
THE FINE STRUCTURE OF THE MEGAKARYOCYTE IN THE MOUSE SPLEEN
Eichi Yamada · Acta Anatomica · 2008 · 173 citations
Medicine, Cell Biology, Hematology +12